02 Сеп ЦеПроСАРД – ВТОР ЦИКЛУС НА ОБУКИ ЗА УСОВРШУВАЊЕ НА ЕНЕРГЕТСКИ КОНТРОЛОРИ, АВГУСТ-СЕПТЕМВРИ 2017
ЦеПроСАРД, како обучувач реизбран за спроведување Обуки за енергетски контролори како и за Обуки за усовршување на енергетски контролори, организираше втор циклус на Oбуки за усовршување на енергетски контролори.
Обуката се одржа во периодот од 30.08 до 02.09.2017-та во просториите на ЦеПроСАРД. Посетителите на обуката беа запознаени со најновите информации од различните аспекти на проблематиката за енергетска ефикасност, со што ги унапредија своите познавања и вештини применливи во пракса. Обуката ја извршија предавачи со врвни познавања во широкиот спектар на енергетска ефикасност.
За успешно завршената обука, и надградување на знаењето и вештините, на посетителите на обуката од страна на ЦеПроСАРД им се врачени потврди со кои ќе го продолжат важењето на лиценците за дејноста енергетски контролор.
