Потпишување на договор за партнерство СЗГ С. Македонија

Со големо задоволство го објавуваме потпишувањето на договор за партнерство помеѓу RECONOMY (претставуван од д-р Ристо Иванов, проект менаџер во ЦеПроСАРД) и Советот за зелена градба С. Македонија, претставен од Веселинка Герасимова-Петровска како дел од проектот “Енергетски ефикасна изградба и реновирање“.

Целта на договорот е да придонесе за спроведување на програмата RECONOMY, конкретно стремејќи се кон:
– Забрзување на зелената транзиција преку промовирање на одржливи градежни практики преку ангажирање на клучните засегнати страни.
– Подобрување на пристапот до услуги за сертификација на материјали и технологии, подобрување на вработливоста, особено за жените и младите.
– Ангажирање на професионалци низ секторите – архитекти, инженери, академија и креатори на политики – со акцент на инклузивноста.
– Зајакнување на жените и младите преку насочена обука и застапување во вештините за зелена сертификација.

Заедно, RECONOMY и СЗГ С. Македонија ќе поттикнат влијателен, одржлив развој во секторот за градежништво и реновирање, поттикнувајќи ја енергетската ефикасност и иновациите.

RECONOMY е регионална инклузивна и зелена програма за економски развој на Шведската агенција за меѓународна развојна соработка (Сида), имплементирана од Helvetas Swiss Intercooperation во партнерство со ЦеПроСАРД и други во Источното партнерство и регионите на Западен Балкан.