04 Фев Одржан состанок со претставници на Министерството за труд и социјална политика во рамки на проектот “Заедно за повеќе можности и поддршка“ – ТИМОР
На 04.02.2020 (вторник) дел од тимот на проектот “Заедно за повеќе можности и поддршка“ – ТИМОР по покана на претставници од Министерството за труд и социјална политика одржаа информативен состанок во просториите на министерството.
На состанокот беше презентиран процесот на креирање на проектот и развојот на соработката со ко-апликантите, беа дискутирани проектните цели, активностите на проектот и беше потенцирана потребата за заедничка соработка во процесот на деинституционализација во РСМ.
Претставниците од министерството побараа увид во деталната временска рамка на активности, со цел назначениот тим да може проактивно и навремено да ги следи активностите за да може да дава насоки при реализирањето на истите. Претставник на МТСП официјално ќе биде номиниран и за членство на Насочувачкиот Комитет, кој како тело ќе заседава неколку пати во времетраењето на проектната имплементација.
Проектот е имплементиран од ЦеПроСАРД во конзорциум со:
- Сојуз на специјални едукатори и рехабилитатори на Република Северна Македонија
- Специјален Завод Демир Капија
- Општина Демир Капија
- Лоза Фондација, Шведска
Проектот е во времетраење од 36 месеци, а е финансиран од Европска Унија.
