10 Мај Оглас за вработување на 5 негователи / асистенти за живеење со поддршка во станбена единица за живеење со поддршка во заедницата во општина Градско
Здружението на граѓани “Центар за промоција на одржливи земјоделски практики и рурален развој”- ЦеПроСАРД, во соработка со проектните партнери – Сојуз на специјални едукатори и рехабилитатори на Република Северна Македонија; ЈУ Специјален Завод Демир Капија; Општина Демир Капија; Фондација Лоза од Шведска, во рамките на проектот “Заедно за повеќе можности и поддршка” – ТИМОР има потреба од пет (5) асистенти за живеење со поддршка / негователи за станбена единица за живеење со поддршка во заедницата кои ќе работат 40 работни часа неделно (полно работно време) во мала станбена единица каде живеат лица со интелектуална попреченост, започнувајки од мај/јуни 2022 година.
Вработувањето ќе се изврши врз основа на договор на услуга во рамки на проект за 4 месеци во временскиот период мај/јуни 2022 година – август/септември 2022 година. По завршувањето на договорниот период за финансирање од страна на проектот, давателот на социјална услуга Здружение на лица со церебрална парализа и други попречености (ЗЛЦПДП) Велес од Велес ќе извршат проценка на потребните позиции во согласност со Правилникот за социјални услуги на Министерството за труд и социјална политика (МТСП) на Република Северна Македонија, за продолжување или скратување на работната позиција.
Аплицирање
Ги повикуваме кандидатите да достават целосна биографија на македонски јазик до 20/05/2022 на info@ceprosard.org.mk со наслов Апликација за Неговател – Градско или директно во канцеларијата на ЗГ ЦеПроСАРД (пон-петок 08:00-16:00).
Апликантите/Пријавените лица/Кандидатите ќе бидат известени за резултатот од изборот до 23.05.2022. Кандидатите кои ќе влезат во потесен избор ќе бидат повикани на интервју.
Сите пријави ќе се сметаат за доверливи, во согласност со барањата за заштита на личните податоци.
Доколку имате прашања или потреба за дополнителни информации, Ве молиме контактирајте не’ на info@ceprosard.org.mk